सुदूरपश्चिममा पछिल्लो २४ घण्टामा १४ संक्रमितको मृत्यु

0

कैलाली-सुदूरपश्चिम प्रदेशमा पछिल्लो २४ घण्टाको अवधिमा १४ संक्रमितको मृत्यु भएको छ। कञ्चनपुरमा ६ जना, कैलालीमा ५ जना, बझाङमा २ जना र दार्चुलामा १ जना गरेर १४ जनाको मृत्यु भएको प्रदेश स्वास्थ्य निर्देशनालय दिपायलले जनाएको छ।

निर्देशनालयका अनुसार १४ जना मध्ये ११ जनाको एन्टिजोन पोजेटिभ आएको र ३ जनाको पिसिआर पोजेटिभ आएको छ। हालसम्म सुदूरपश्चिम प्रदेशमा मात्र १ सय २७ जनाको कोरोना संक्रमणबाट मृत्यु भइसकेको छ। स्वास्थ्य निर्देशनालयले पछिल्लो २४ घण्टामा सुदूरपश्चिम प्रदेशमा २ सय १ जनामा संक्रमण पुष्टि भएको छ।

सेती प्रादेशिक अस्पताल धनगढी, डडेल्धुरा अस्पताल डडेल्धुरा र जिल्ला अस्पताल डोटीमा ५ सय ७३ जनाको परीक्षण गर्दा २ सय १ जनामा संक्रमण पुष्टि भएको हो।