hilltake hilltake
 प्रधानसेनापति शर्मा आज स्वदेश फर्किँदै

प्रधानसेनापति शर्मा आज स्वदेश फर्किँदै

काठमाडौं –  प्रधानसेनापति प्रभुराम शर्मा आज स्वदेश फर्किँदै छन्। अस्ट्रेलियामा सम्पन्न एनुअल चिफ्स अफ डिफेन्स (सिएचओडी) कन्फरेन्स-२०२२ मा सहभागी भएर प्रधानसेनापति शर्मा आज साँझ काठमाडौँ आइपुग्ने नेपाली सेनाका प्रवक्ता सहायक रथी नारायण सिलवालले जानकारी दिए।

अस्ट्रेलियन डिफेन्स फोर्सको संयोजकत्वमा युएस इण्डोप्यासिफिक कमाण्डद्वारा अष्ट्रेलियाको सिड्नीमा आयोजना भएको (सिएचओडी) मा सहभागी हुन प्रधानसेनापति शर्मा गत साउन ७ गते अष्ट्रेलिया प्रस्थान गरेका थिए।

gimigroup Girl in a jacket

साउन ९ देखि ११ गतेसम्म भएको उक्त कन्फरेन्समा एसिया प्रशान्त क्षेत्रमा अवस्थित राष्ट्रका सेना प्रमुखहरूको उपस्थितिमा विद्यमान अन्तर्राष्ट्रिय सुरक्षा एवं आपसी सहयोगका पक्षहरूसहित सुरक्षाका विविध विषयमा छलफल भएको नेपाली सेनाले जनाएको छ।

कन्फरेन्समा सहभागी राष्ट्रका सेना प्रमुखहरूबिच पनि अन्तर्राष्ट्रिय सुरक्षा वातावरण, प्रविधि, रणनीतिक सोच लगायतका समसामयिक विषयमा छलफल तथा विचार आदानप्रदान भएको सैनिक मुख्यालयले जनाएको छ। उक्त कन्फरेन्समा सहभागी भएका शर्माले त्यसपछि अष्ट्रेलियमा उच्चस्तरीय भेटघाट गरेका थिए।

प्रधानसेनापति प्रभुराम शर्मा इन्डो प्यासफिक कमान्डद्वारा आयोजित विभिन्न मुलुकका सैनिक प्रमुखहरूको अन्तर्राष्ट्रिय सम्मेलनमा भाग लिएको भन्दै सांसदहरूले प्रश्न उठाएका छन्।

Mahendranagar Post

Leave a Reply

Your email address will not be published.